የንጉሥ እራት መርሃ ግብር በአፄ ፋሲል ቤተመንግሥት
የኢትዮጵያውያን ኦርቶዶክስ ተዋህዶ የህክምና ማህበር በአፋር ለሚገኙ በጦርነቱ ለተጎዱ የማህበረሰቡ ክፍሎች የህክምና አገልግሎቶችን ፈጸመ።
በአጠቃላይ ከ 500 በላይ ተፈናቃዮች በጭፍራ መጠለያ ጣቢያ የሕክምና ርዳታ እና 900 ቤተሰቦች የአልሚ ምግብ አግኝተዋል።
900 ካርቶን አልሚ ምግብ ታድሏል።
ለ 32 የሚደርሱ የ ኤችአይቪ ሕሙማን በልዩ ሁኔታ/ ከህጻናት ውጭ የአልሚ ምግብ ተጠቃሚ ተደርገዋል።
የየቤት ለቤት ጉብኝት በማድረግ ወደ 27 የሚጠጉ የወለዱ አራሶች ታይተዋል።
የተሟላ የ OR team ( anesthesiologist, plastic surgeon, orthopedics and OR nurses) ይዘን በመሄድ 4 ህሙማን የቀዶ ህክምና ተደርጎላቸዋል (major surgeries)
ከ 50 በላይ ህሙማን በ ፊዚዮትራፒ ቡድን ታይተዋል።
የ ተረፈንን መድሃኒት ለጭፍራ ተፈናቃዮች ጤና ጣቢያ ለ ሲስተር ሰሚራ የጤ/ሃላፊ አስረክበናል።
በቀዶ ጥገና በኩል የተረፉ ግባአቶች በዶር ዳዊት በኩል ለዱፍቲ ሆስፒታል አስረክበናል።
የኢትዮጵያውያን ኦርቶዶክስ ተዋህዶ የህክምና ማህበር በአፋር ለሚገኙ በጦርነቱ ለተጎዱ የማህበረሰቡ ክፍሎች የሰጡትን አገልግሎት በተመለከተ ለሸገር ራዳዮ የሰጡትን ቃለ ምልልስ ያዳምጡ።
Ethiopian Orthodox Tewahedo Medical Association
Ethiopian Orthodox Tewahedo Medical Association (EOTMA) is a nonprofit organization established by Ethiopian Orthodox Tewahedo healthcare professionals.
Support war-affected Ethiopians by working with us. You can simply purchase very essential medical supplies and we will take care of the shipping and distributing materials.
Select from these selections and on the checkout simply select EOTMA address for shipping.
Learn more about Ethiopian Orthodox Tewahedo Medical Association
አዲስ አበባ፣ ታህሳስ 27፣ 2014 (ኤፍ ቢ ሲ) የኢትዮጵያ ኢንቨስትመንት ኮሚሽን እና የአዲስ አበባ ኢንቨስትመንት ቢሮ ጋር በመሆን በሀገሪቱ መዋዕለ ንዋያቸውን ማፍሰስ የሚፈልጉ ዳያስፖራ ባለሀብቶችን የሚያበረታታ እና ግንዛቤ የሚያሳድግ ፎረም አዘጋጁ።
ሁለቱ ተቋማት በጋራ በሠጡት መግለጫ ፎረሙ ጥር 3 ስራ የሚጀምር ሲሆን፥ ጥር 6 ይጠናቀቃል ተብሏል፡፡
ፎረሙ ጥር 3 በይፋዊ የመክፈቻ ሥነ-ሥርዓት እንደሚጀመር እና በቀጣይ ቀናትም የተለያዩ መርሃ ግብሮች እንደሚኖሩት ነው ኮሚሽኑ የገለጸው፡፡
የኢትዮጵያ ኢንቨስትመንት ኮሚሽን፥ ኢትዮጵያ ውስጥ መዋዕለ ንዋያቸውን የማፍሰስ ዕቅድ ያላቸው ዳያስፖራ ባለሐብቶች በፎረሙ እንዲሳተፉ እና ከኢንቨስትመንት ማኅበረሰቡ፣ ከኮሚሽኑ የፌዴራል እና የክልል እንዲሁም የከተማ አሥተዳደር ኃላፊዎች እና ባለሙያዎች ጋር እንዲመክሩ ብሎም የኢንቨስትመንት አማራጮችን እንዲመለከቱ ነው ጥሪ ያቀረበው፡፡
በኢንቨስትመንት መሰማራት እና በዕድሉ መጠቀም የሚፈልጉ ባለሐብቶች investethio.com የሚለውን የኮሚሽኑን ድረ ገጽ መመልከት እንደሚችሉም ተጠቁሟል፡፡
የልምድ ልውውጥ እና የኢንዱስትሪ ፓርኮች ጉብኝት እንደሚኖር የተገለጸ ሲሆን÷ ይህም ዳያሰፖራው በኢትዮጵያ ያለውን የኢንቨስትመንት አማራጭ እና አቅሙን እንዲያውቅ እና መዋዕለ ንዋዩን እንዲያፈስ ያስችለዋል ተብሏል፡፡
ዳያስፖራው በሚያገኛቸው አጋጣሚዎችም የኢትዮጵያ ኢንቨስትመንት አምባሳደር ሆኖ ለዓለም አቀፉ ማህበረሰብ እንዲያስተዋውቅ ግንዛቤ የሚሰጥ ጉብኝት እንደሚሆን ኮሚሽነር ለሊሴ ነሜ ገልጸዋል።
በፎረሙ ሰባት የሚደርሱ ሚኒስትር መሥሪያ ቤቶችያሏቸውን የኢንቨስትመንት አማራጮች እንደሚያቀርቡም ተመላክቷል።
Via: FBC
UPCOMING EVENTS
No event found!
፩ ሚልዮን ኢትዮጵያውያን እና ትውልደ ኢትዮጵያውያን ወደ ሃገራቸው ተመልሰው እንዲመጡ በጠቅላይ ሚኒስትሩ የቀረበውን ጥሪ ተቀብለው የሚመጡ ኢትዮጵያውያን እና የኢትዮጵያ ወዳጆች የሃገራቸውን ምርቶች ሊተዋወቁ እና ለመግዛት አመቺ ሁኔታን መፍጠር የሚችል የባዛር እና ኤግዚቢሽን በእንጦጦ ፓርክ ለህዝብ ክፍት ሆኗል።
No event found!
ወደ አገር ለሚገቡ የዳያስፖራ አባላት የተዘጋጁ ሁነቶች ይፋ ሆኑ
ታህሳስ 18 ቀን 2014 (ኢዜአ) ጠቅላይ ሚኒስትር አቢይ አህመድ አንድ ሚሊዮን ዳያስፖራ ወደ አገር ቤት በሚል ያቀረቡትን ጥሪ ተከትሎ ወደ ኢትዮጵያ ለሚመጡ የዳያስፖራ አባላት የተዘጋጁ የተለያዩ ሁነቶች ይፋ ሆኑ።
የሚመጡ እንግዶች አቀባበልና መስተንግዶ ለማስተባበር የተቋቋመው ብሔራዊ ኮሚቴ የተደረገውን ዝግጅት በተመለከተ ዛሬ መግለጫ ሰጥቷል።
ወደ አገራቸው የሚመጡ ኢትዮጵያውያንና ትውልደ ኢትዮጵያዊያን እንዲሁም የኢትዮጵያ ወዳጆችን ለመቀበል ዝግጅት የተጠናቀቀ ሲሆን የተዘጋጁ ሁነቶችን ኮሚቴው ይፋ አድርጋል።
በዚህም መሰረት ታህሳስ 20 ቀን የመክፈቻ መርሀ ግብር ይካሄዳል።
ታህሳስ 24 ቀን ደግሞ በአዲስ አበባ የሚገኙ ፕሮጀክቶች ጉብኝት፣ ከታህሳስ 25 እስከ 27 በጦርነቱ የተጎዱ አካባቢዎችን ጉብኝት ማካሄድና ሌሎች መርሀ ግብሮችም ይፋ ተደርገዋል።
ዳያስፓራው አገርን መልሶ ለመገንባት ሊያደርገው በሚችለው አስተዋፅኦ፣ ኢንቨስትመንትና ሌሎች ሲፖዚየሞችም በመርሀ ግብሩ ተካተዋል።
የሚካሄዱት ሁነቶች የሚካሄዱበት ቀን እንደ አስፈላጊቱ ሊከለስ እንደሚችልም ተጠቁሟል።
Monthly Weekly Daily List Grid Tile
No event found!
የሀገር ልጅነታችሁን እንድታሳዩ ለቀረበላችሁ ጥሪ ምላሽ በመስጠት ወደ ሀገር ቤት የመጣችሁ ወንድም-እህቶቼ እንኳን ደህና መጣችሁ !!
ጠቅላይ ሚኒስትር አቢይ አህመድ
ሀገር በአንድ ግዙፍ ቤተሰብ ሊመሰል ይችላል። አንድ ቤተሰብ የቆመበት መሠረት ጥንካሬ የሚታወቀው ከደስታ ጊዜያት ይልቅ ቤተሰቡ ችግር በገጠመው ወቅት ነው። የፈተና መብዛት አንዳንዱን ቤተሰብ ሲያቀራርበው አንዳንዱን ያራርቀዋል፡፡
ደካማ መሠረት ያለው ቤተሰብ ውስጥ አደጋ ሲከሰት በቤተሰቡ አባላት መካከል ልዩነቶች አፍጥጠው ይታያሉ፤ ቅሬታዎች ከተደበቁበት ይወጣሉ፤ ጣት መቀሳሰር ይበዛል፤ ልጆች ፈተናውን ተጋግዘው በጋራ ከማለፍ ይልቅ “ምን አገባኝ” ሲሉ ይደመጣሉ። የዚያ ቤተሰብ እጣ ፈንታም በመጨረሻ መፍረስ ይሆናል።
በተቃራኒው ጠንካራ መሠረት ላይ ለቆመ ቤተሰብ የፈተና መምጣት አንድነቱን ያጠናክራል እንጂ አያላላውም። ልዩነቶች ቢኖሩ እንኳን ለጊዜው ወደ ጎን ተብለው የቤተሰቡ አባላት ሙሉ ትኩረት ፈተናው ወደሚታለፍበት መንገድ ያነጣጥራል።
ሁሉም እንደ አቅሙ የቻለውን ይታገላል። መውደቅ መነሳቱን እኩል ተካፍለው በመጨረሻ ችግሩ ሲታለፍ ሁሉም እኩል ደስተኛ ይሆናሉ። ይኽ ወቅት ለኢትዮጵያ እንደ ሀገር በእጀጉ የተፈተነችበት ጊዜ ነው። ፈታኞቿ ተባብረው ረፍት ሊነሷት ያልፈነቀሉት ቋጥኝ፣ ያልወረወሩት ድንጋይ የለም።
ኢትዮጵያ ግን በልጆቿ ትብብር አሁንም ጸንታ ቆማለች። የፈተና መብዛት የልጆቿን አንድነት አጎለበተው እንጂ አልሸረሸረውም። አቅሞቿን አስተባብራ እንድትጠቀም ምክንያት ሆናት እንጂ አላሸነፋትም።
በመላው ዓለም የሚገኙ ኢትዮጵያውያን ዳያስፖራዎች ሀገራችን ሰው በፈለገችበት ጊዜ ለሀገራቸው የቁርጥ ቀን ልጆች መሆናቸውን አስመስክረዋል ብለን በድፍረት መናገር እንችላለን።
አንዳንዶች ኢትዮጵያን ለመድፈር በተነሡ ጊዜ፣ ሌሎች የኢትዮጵያን እውነት በውሸት ለመሸፈን በተነሡ ጊዜ፣ የቀሩትም በኢትዮጵያ ላይ ተገቢ ያልሆነ ጫና ለማሳደር በተነሡ ጊዜ፣ ዳያስፖራ ወገኖቻችን ለኢትዮጵያ ሲሉ በአንድነት ቆመዋል።
የፖለቲከኞችን በሮች አንኳኩተዋል። አደባባዮችን በሰልፍ አጥለቅልቀዋል፤ ታላላቅ ተቋማትን ሞግተዋል፤ የመሪዎችን የተሳሳተ ፖሊሲ ተጋፍጠዋል፤ ሚዲያዎች የኢትዮጵያን እውነት እንዲያንጸባርቁ ጫና ፈጥረዋል።
ዳያስፖራ ወገኖቻችን ለኢትዮጵያ ብቁ ዲፕሎማት ሆነው ሀገራቸውን አስከብረዋል። ለታላቁ የሕዳሴ ግድባችን ጥብቅና ከመቆም ባሻገር ገንዘባቸው በመላክ የግድቡ ሥራ እንዲፋጠን አስችለዋል።
ለተጎዱ ወገኖቻችን በየጊዜው የዓይነትና የገንዘብ ድጋፍ አድርገዋል። የኢትዮጵያ የውጭ ምንዛሪ ባልተገባ ጫና በተፈተነ ጊዜ ከሚበሉት ቀንሰው ለሀገራቸው ለግሰዋል።
ሀገራቸው የህልውና ፈተና ሲገጥማት በቻሉት ሁሉ ግንባር ቀደም ሆነው ተሰልፈዋል። በማኅበራዊ ሚዲያ የሚገጥመንን ፈተና ለመመከት ጊዜያቸውንና ዕውቀታቸውን ሠዉተዋል።
ብዙ የዓለም ሀገሮች ከዳያስፖራ ወገኖቻቸው ጋር የፈጠሩት ጠንካራ ትሥሥር ሀገራቸውን በፖለቲካ፣ በኢኮኖሚ፣ በዲፕሎማሲና በማኅበራዊ መስክ ለማሳደግ ጠቅሟቸዋል።
ደቡብ ኮሪያ፣ ሕንድ፣ ቻይናና ሜክሲኮ ለዚህ መልካም አርአያዎች ናቸው። እነዚህ ሀገሮች የተማረ የሰው ኃይል ለማግኘት፣ የሀገራቸውን የውጭ ምንዛሬ ዐቅም ለማሳደግ፣ በየሚኖሩበት ሀገር በሀገራቸው ጉዳይ የፖሊሲ ጫና ለማሳደር፤ የቴክኖሎጂ ሽግግር ለማድረግ፤ የሀገራቸው ጉዳይ የሚኖሩበት ሀገር የውጭ ፖሊሲ አካል እንዲሆን ለማስቻል፤ ቁሳዊና ሰብኣዊ ድጋፎችን ለማሰባሰብ፤ የትምህርት፣ የጤናና የግብርና ሥርዓታቸውን ለማዘመን ተጠቅመውበታል።
ከላይ የጠቀስናቸው ሀገሮች የዳያስፖራቸውን ዐቅም በተሻለ ሁኔታ ለመጠቀም ያስቻለው ዘላቂነት ያለው፣ የተደራጀና የተናበበ አሠራር ስለሚከተሉ ነው። ዳያስፖራዎቻቸው ከሀገራቸው ጋር ያላቸው ግንኙነት ዘላቂ ነው። የሆኑ ወቅቶችን መሠረት ያደረገ አይደለም።
በደስታም ይሁን በፈተና ጊዜ ሀገራቸውን ሁለንተናዊ በሆነ መልኩ ይደግፋሉ። በፖሊሲዎች፣ በሕጎች፣ በአሠራሮች ሂደት ውስጥ ይሳተፋሉ።
ገንዘባቸውን በሀገራቸው ባንኮች እንዲቀመጥ ያደርጋሉ፤ በኢንቨስመንት ይሳተፋሉ፤በችግር ጊዜ ለወገናቸው ድጋፍ የሚያደርጉ ታላላቅ የርዳታ ድርጅቶችን በመመሥረት በርዳታ ስም ከሚመጣ ጣልቃ ገብነት ሀገራቸውን ነጻ ያደርጋሉ፤ ለገበሬዎችና ለአነስተኛ ነጋዴዎች የዕውቀት፣ የቴክኖሎጂና የገንዘብ ድጋፍ የሚሰጡ የልማት ማሣለጫ ተቋማትን ያደራጃሉ፤ በተለይም ትምህርትን፣ ጤናንና ግብርናን ለማዘመን የሚችሉ የዕውቀትና የቴክኖሎጂ ሽግግሮችን በማከናወን የሕዝባቸውን የኑሮ ሁኔታ ለማሻሻል ይተጋሉ፤ ይህ ሁሉ እንግዲህ ለዘመድና ለወዳጆቻቸው ከሚያደርጉት ድጋፍ ባሻገር ነው።
እነዚህን ተግባራት ለማከናወን ዐቅምን ሰብሰብ ማድረግ፣ ወጥ በሆነ መልኩ ሥራዎችን መሥራትና በዕቅድ መመራት ያስፈልጋል። ዐቅሞቻችን በየአካባቢውና በየሁኔታው ከተበታተኑ፣ መሠረታዊ ለውጥ መምጣት አይቻልም።
በምንኖርበት ሀገር ተጽዕኖ ለመፍጠር ያለን ዐቅም የተዳከመ ይሆናል። እርስ በእርሳችን ተጋግዘን በፍጥነት ከመሄድ ይልቅ እርስ በእርሳችን በመወቃቀስ ጊዜያችን በከንቱ ይጠፋል።
ዳያስፖራ ወገኖቻችን እነዚህን ሁሉ እንደሚያስቡባቸው ተስፋ አደርጋለሁ። በየሀገራቸው ከሚኖሩ ሌሎች ጠንካራ የዳያስፖራ ማኅበረሰቦች ልምድ መውሰድ እንደሚችሉ ይታመናል።
ለሀገራቸው መጠን የሌለው ፍቅር፤ ሀገራቸውና ወገኖቻቸውን በሚችሉት ሁሉ የመደገፍ የማይነጥፍ ፍላጎት አላቸው። ይሄንንም በየአደባባዩ አስመስክረዋል።
ሕይወታቸውን መሥዋዕት ለማድረግ እስከመሰለፍ ደርሰዋል። ሀገራቸው ‹ወደ እናት ሀገራቸሁ አንድ ሚልዮን ሆናችሁ ኑ!› ስትላቸውም፣ ጨርቄን ማቄን ሳይሉ ይሄው መጥተዋል።
አሁንም በድጋሚ ጥሪያችንን አክብራችሁ ስለመጣችሁ በራሴና በኢትዮጵያ ስም አመሰግናችኋለሁ። የመጣችሁት ወደ ቤታችሁ ነው። እናታችሁ በጓዳዋ ያላትን ሁሉ ታቀርብላችኋለች።
የምታቀርብላችሁ ነገር የተሟላ ላይሆን ይችላል። ግን የእናት ቤት ከምንም ይበልጣል። በየመሥሪያ ቤቱ፣ በየንግድ ተቋማቱ በየአገልግሎት መስጫዎቹ የለመዳችሁትን ዓይነት ቀልጣፋና ዘመናዊ አሠራር ባታገኙ አይግረማችሁ። የእናታችሁ ቤት ነውና እንዴት እናዘምነው ብላችሁ አስቡበት እንጂ እንደ ባዳ አይታችሁ አትለፉት። ሰው ለእናቱ ቤት ይቆረቆራል እንጂ አይማረርም።
የተጎዱ አካባቢዎችን እንድትጎበኙ፤ ወገናችሁን እንድታንጹና እንድትደግፉ አደራ እላለሁ።አሸባሪው ሕወሐት በወገናችን ላይ ያደረሰውን ልክ የሌለው ግፍና መከራ በዓይናችሁ አይታችሁ ዓይኔን ግንባር ያርገው ላለው ዓለም እንድትገልጡ ላሳስባችሁ እወዳለሁ። አንዳንድ ተቋማት ባዘጋጇቸው መርሐ ግብሮችም ላይ ተሳተፉ።
የቱሪስት መዳረሻዎችንም ጎብኙ። የልማት ሥራዎቻችንንም ተመልከቱ። ከሁሉም በላይ ደግሞ ከወላጆቻችሁ፣ ከዘመዶቻችሁና ከወዳጆቻችሁ ጋር መልካም ጊዜ አሳልፉ። ሀዘኑንም ደስታውንም እኩል መጋራታችን ቤተሰባዊ መሠረታችንን ያጠናክረዋል፡፡
መልካም የቆይታ ጊዜ ይሁንላችሁ።
ኢትዮጵያ በልጆቿ ጥረት ታፍራና ተከብራ ለዘላለም ትኑር!!
ፈጣሪ ኢትዮጵያና ሕዝቦቿን ይባርክ!
ታህሳስ 18፣ 2014 ዓ.ም
የዳያስፖራ አባላት በመዲናዋ ያለስጋት እንዲንቀሳቀሱ በቂ ዝግጅት ተደርጓል
********************************
ወደ አገር ቤት የገቡ የዳያስፖራ አባላት በሚንቀሳቀሱባቸው ሥፍራዎች ሁሉ የጸጥታ እና ደህንነት ስጋት እንዳይገጥማቸው ዝግጅት ማድረጉን የአዲስ አበባ ፖሊስ ኮሚሽን አስታወቀ።
‘የአንድ ሚሊዮን ዳያስፖራ ወደ አገር ቤት’ ጥሪ ተከትሎ ኢትዮጵያዊያን፣ ትውልደ ኢትዮጵያዊያንና የኢትዮጵያ ወዳጆች ወደ አገር ቤት በመግባት ላይ ናቸው።
የአዲስ አበባ ፖሊስ ኮሚሽን ሕዝብ ግንኙነት ኃላፊ ኮማንደር ፋሲካ ፋንታ የዳያስፖራ አባላቱ በመዲናዋ ያለ ምንም ስጋት መንቀሳቀስ እንዲችሉ ፖሊስ በቂ ዝግጅት ማድረጉን ለኢዜአ ገልጸዋል።
ከአየር መንገድ ጀምሮ በሚያርፉባቸው ሆቴሎች፣ በመዝናኛ ቦታዎች፣ በንግድ ማዕከላት፣ በትራንስፖርት እና ሌሎች ሥፍራዎች ሳይታወኩ እንዲንቀሳቀሱ የጸጥታ ኃይሉ አስፈላጊውን ዝግጅት አድርጓል ብለዋል።
በአዲስ አበባ የጸጥታ ሥራው ተጠናክሮ እንደቀጠለ የገለጹት ኮማንደር ፋሲካ፤ የዳያስፖራው ማኅበረሰብ ወደሚኖርበት አገር ሲመለስ ለዓለም አቀፉ ማኅበረሰብ እውነታውን በማሳወቅ አምባሳደር እንዲሆንም ይፈለጋል ብለዋል።
ይሁንና አጋጣሚውን ተጠቅመው ዳያስፖራው ላይ ዝርፊያና መሰል ህገ-ወጥ ተግባር ለመፈጸም የሚሞክር ቢኖር ኮሚሽኑ ተገቢውን እርምጃ እንደሚወስድ አስታውቀዋል።
Via: EBC
ዋሽንግተን ዲሲ — VOA Amharic
አንድ ሚሊዮን ተጓዥ ትውልደ ኢትዮጵያውያን ለመጭው የገና በዓል የአውሮፕያኑ አዲስ ዓመት ወደ ኢትዮጵያ እንዲጓዙ የኢትዮጵያ መንግሥት ጥሪ አድርጓል፡፡
በተለያዩ የዓለም ክፍሎች የሚገኙ ትውልደ ኢትዮጵያና ትውልደ ኢትዮጵውያንም ጥሪውን ተቀብለው ወደዚያው ለመጓዝ ዝግጅት ላይ መሆናቸውን ሰምተናል፡፡ የኢትዮጵያ ዳያስፖራ የተግባር ምክር ቤት አጋር ሆኖ የማስተባበር ኃላፊነት መውሰዱን ዋሽንግተን ነዋሪ የሆኑት የምክር ቤቱ ቦርድ ሰብሳቢ ካፕቴን አብይ ገ/ህይወት ለአሜሪካ ድምጽ ተናግረዋል፡፡ በእንግሊዝ ለንደን ከአስተባባሪዎች አንዱ የሆኑትን አቶ አለባቸው ደሳለኝም አነጋጋረናል፡፡
ጥሪው ያለምንም እቅድ በድንገት የተላለፈ በመሆኑ በዚህ አጭር ጊዜ ውስጥ ብዙ ነገሮች በጥድፊያ ለማድረግ እየተሞከረ መሆኑንም አስተባባሪዎች ተናግረዋል፡፡
ዝርዝር ዘገባውን ከተያያዘው የድምፅ ፋይል ያዳምጡ።